24 сентября 2010 г.
Çулталăк пуçланнăранпа Канаш хулипе районти халăха ĕçпе тивĕçтерекен центра ĕçе вырнаçтарма пулăшу ыйтма районта пурăнакан 1564 çын пынă. Вĕсенчен 783 çынна ĕçсĕррисем тесе регистрациленĕ. Сентябрĕн 1-мĕшĕ тĕлне ĕçсĕр 345 ял çыннине официаллă йĕркепе регистрациленĕ.
Шута илнĕ ĕçсĕр çынсен йышĕн 53,6 процент чухлĕ пайне хĕрарăмсем йышăнаççĕ, 30 çула çитмен çамрăксем – 20,3 проц., пенсие тухасси 1-2 çул юлнисем – 10,7 проц., предприятие хупса лартнипе е штата чакарнипе ĕçсĕр тăрса юлнисем – 18,3 проц., хăйсен ирĕкĕпе ĕç пăрахнисем – 53,9 процент. Районти 39 предприяти 901 ĕç вырăнĕ пурри çинчен сведенисем тăратнă. Вакансисен 95,6 проц. - рабочи профессийĕсем, 29,6 проценчĕн ĕç укçи пурăнмалли чи пĕчĕк виçерен те сахалрах.
Январь-сентябрь уйăхĕсенче ĕçпе тивĕçтерекен центр пулăшнипе 1223 çын ĕçе вырнаçнă. Вĕренĕрен пушă вăхăтра ĕçлеме 14-18 çулти 530 çамрăка вăхăтлăх ĕç тупса панă.
Сакăр уйăхра вакансисен ярмăрккине 4 хутчен ирттернĕ: вĕсен кăтартăвĕсем тăрăх 81 çын ĕçлĕ пулса тăнă. 2656 çынна профориентаци пулăшăвĕпе тивĕçтернĕ.
Çынсене хăйсен ĕçне йĕркелесе яма уйăрнă 294,0 пин тенкĕпе туллин усă курнă, ĕçсĕр 5 çын çак тĕллевпе субсиди илнĕ.
Источник: "Канаш"